अजीब दास्ता है ये.!!

Related image
कोई मंगदा मेरा सी समां
कोई हौंदा सूरत ते फ़िदा
कोई मंगदा मेरी सी वफ़ा
ना तो मंगदा मेरियां बला..

 हे ऐकलं आणि चेहऱ्यावर नकळत हसू उमटलं. आणि खचाखच भरलेल्या लोकलच्या गर्दीत डोळ्याने शोधू लागलो कोणाच्या मोबाईलची रिंगटोन आहे. आणि नजर दारात उभ्या चार पाच मुलींच्या गोळक्यावर थांबली. खूप प्रयत्न केला तिला बघण्याचा पण आणि ती दिसली. पांढऱ्या रंगाचा रुमाल बांधलेली. त्यामुळे चेहरा काही दिसला नाही. पण मोबाइल कानाला लावला तेव्हा तिच्या हाताच्या नखांवर केलेलं नक्षीकाम जाम आवडलं. लोकलच्या गर्दीतून एक एक पाऊल पुढे सरकणे किती अवघड हे सर्वांनाच माहीत. तरी मी जीवाची बाजी लावून प्रयत्न करत होतो. पण.. मी ध्येय गाठण्यापूर्वीच तिने ध्येय गाठलं. म्हणजे तीच स्टेशन आलं. मग काय? तोंड पाडून बसण्याशिवाय पर्याय नव्हता. माझं आता रोजच काम झालं होतं ती आज दिसेल,आज दिसेल,आज दिसेल पण ती काही दिसेना. असेच २१ दिवस गेले. २२ व्या दिवशी मी तिचा थोडाही विचार न करता. बसायला जागा भेटली या आनंदात खिडकीतून बाहेर बघत होतो तितक्याच बाजूला एक मुलगी येऊन बसली. तिच्या Perfume चा सुगंध छान होता. म्हणजे दिवसभराचा थकवा गेला. मी तिच्याकडे बघून फक्त smile केली आणि परत खिडकीतून बाहेर बघू लागलो. साधारण ३ मिनिटानंतर तिचा मोबाइल वाजला,

कोई मंगदा मेरा सी समां
कोई हौंदा सूरत ते फ़िदा
कोई मंगदा मेरी सी वफ़ा
ना तो मंगदा मेरियां बला..

आणि मी तिच्याकडे बघू लागलो. पण ही तिचं असेल का हे ठरवायचे. म्हणून तिच्या नखांकडे पाहिलं. आजही तितक्याच आवडीने नक्षीकाम केलेलं. आता मला असं झालं कधी एकदा ही कॉल कट करेल आणि मी बोलेल. आणि तिने चक्क २ मिनिटांच्या आत कॉल कट केला. मी मनात,'परफेक्ट आहे ही.!बोल! बोल!'
मी," Nice रिंगटोन."
ती,"ओहह.! Thankyou.!"
परत शांतता.
तिचं पुन्हा," तसं तुम्ही पहिले व्यक्ती आहात ज्याला रिंगटोन आवडली.तुमचे ब्रेकअप झालंय का?"
आणि माझ्या चेहऱ्यावर असलेल एक एक सेंटीमीटरचं हास्य Mr. Bean बघून हसावं इतकं झालं.
ती,"सॉरी ! मी असं नको होतं ना विचारायला.!"
मी,"हम्म.."
ती,"पुन्हा सॉरी.!(कानाला हात लावत) पण आता विचारलं आहे तर सांगून टाक.!"
तिला उत्तर देण्याआधी मला आवडलं होतं.८ मिनिटांपूर्वी तुम्ही ने सुरू झालेल संभाषण तू पर्यंत आलं होतं.
मी,"हो.!"
ती,"किती वेळेस?"
आता मात्र मी डोळे मोठे केले.
ती,"सॉरी रे.! सांग ना.!"
मी," १सिरियस म्हणजे ४वर्ष सोबत होतो. आणि बाकीचे असेच..!"
ती माझ्या खांद्यावर हात ठेवत," नोट बॅड हा.. बरं चल Number दे तुझा. पुढच स्टेशन माझं आहे.!"
मी नंबर सांगितला तिने रिंग दिली. आणि लगेच Save कर माझ्यासमोर
मी,"okk.!"(आणि गीत नाव save केलं)
ती,"हे काय.! माझं नाव गीत नाहीये!"
मी,"I Know! पण मला विचारायचं नाहीये इतक्यात मला तुझ्यातली जब वि मेट ची करिना आवडली."
ती(माझ्या केसांना विस्कटत),"बरं.! चल बाय.!"
मी फक्त तिच्या पाठमोऱ्या आकृतीकडे पाहत होतो. ती दिसेनाशी होईपर्यंत. तितक्याच मोबाईलवर मेसेज आला.
तिचाच होता,'छान आहेस रे तू.!आजपासून तू माझा जिगरी.!'
मी मेसेज वाचुन हसलो.आणि नकळत पुतपुटलो,"पागल आहे पोरगी.!"

क्रमशः

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

माझा आवडता प्राणी - वाघ

इमेज
           माझा आवडता प्राणी वाघ आहे. वाघाचे माहेरघर म्हणून भारताची ओळख आहे. आजही काही शेकड्यांनी वाघ आपल्याकडे शिल्लक आहे.जगातील एकूण वाघातील पन्नास टक्क्यांपेक्षाही अधिक वाघ आज फक्त भारतात उरले आहेत. वाघांची संख्या भारतात सर्वाधिक असली तरी भारतात देखील वाघ आज दुर्मिळ झाले असून त्यांची संख्या चिंताजनक आहे.वाघाला भारतीय संस्कृतीत आदरयुक्त भीतीचे स्थान आहे.लहान मुलांना जंगलाचा राजा म्हणून वाघाची ओळख करून देतात.वाघ हा भारताचा राष्ट्रीय प्राणी असून जनमानसात शौर्य, राजबिंडेपणा, सौंदर्याचे, राकटतेचे प्रतीक आहे.            वाघांचे निसर्गात सर्वात महत्त्वाचे काम म्हणजे प्राण्यांची संख्या नियंत्रणात ठेवणे. वाघ नसतील तर या प्राण्यांची संख्या अनियंत्रित प्रमाणात वाढेल व इतर निसर्गसंपदेवर या गोष्टीचा ताण पडेल व निसर्ग चक्र बिघडून जाईल वाघ जंगलात असणे हे जंगलाच्या स्वास्थाच्या दृष्टीने अत्यंत गरजेचे आहे.वाघ असलेल्या जंगलात साधे लाकूडतोड आणि जंगलावर अवलंबून लोक भीतीपोटी जात नाहीत व जंगल सुरक्षित राहते. वाघ नाहीसे झालेली जंगले साफ होण्...
अधिक वाचा

मी नग्न पाहिलं तिला..

इमेज
तिला कधी नग्न पाहिलं का? काय म्हणालात?शरीराने? नाही.! नग्न शरीर पाहून फक्त वासना शमते. पण तिच्या विचारांची नग्नता पाहून माणूस तृप्त होतो.! कसं???? हम्मम...! तर.. विचारांची नग्नता.! तुम्ही कधी पाहिला एखादा माणूस(म्हणजे यात पुरुष आणि स्त्री दोघेही आले) नग्न अवस्थेत. पण तिला एकदा नक्की पाहिलं पाहिजे नग्न.! अगदी शरीराने, मनाने आणि विचाराने देखील.! तिला शरीराने नग्न पाहिलं की पुरुष तिच्यात रिता होतो. आणि विचाराने नग्न पाहिलं की तिच्यात सामावू लागतो. तिच्या विचारांचं नग्न असणं समाजाला कधीच मान्य नाही.            तिला तिच्या स्त्री असण्याचा कधी कमीपणा वाटू नये. ती चारचौघात मासिक पाळी,सेक्स, आकर्षण या विषयावर बोलायला ती लाजत नाही. रात्रीच्या त्या प्रामाणिक सहवासानंतर तिच्या स्त्रीत्वाला ती कधी चारभिंतीच्या आत त्याच्यापासून लपवत नाही. ही गोष्ट ती मान्य करते की शरीर सुख ही तिची गरज आहे अगदी त्यांच्यासारखी.              बऱ्याच वेळेला आपण माणसं नग्न या शब्दात गफलत करतो. माणसाच्या अंगावर कपडे नसणं म्हणजे नाग...
अधिक वाचा

अर्थशून्य भासे मज हा कलह जीवनाचा..

इमेज
काल बातमी आली. सुशांतने आत्महत्या केली. त्याच्या आत्महत्येचं प्रमुख कारण नैराश्य आहे असं बोललं जातंय. त्यानंतर जिकडे तिकडे मानसोपचार तज्ञ दिसू लागले. जो तो व्यक्त व्हा.. व्यक्त व्हा.. म्हणत सुटला. पण खरचं हे व्यक्त होणं उपयोगाच असतं का? आणि असलं तरी ज्याच्याजवळ व्यक्त होतो तो तितका प्रगल्भ असेल का? कारण आपण बऱ्याचदा म्हणतो की लोकांना तुमच्या कमजोरी सांगू नका. ते गैरफायदा घेतील. मग का म्हणून व्यक्त व्हावं.? समाजात वावरताना जे नातेसंबंध असतात ना.! ते सगळे सगळे कृत्रिम आहेत. मानवनिर्मित आहेत. निसर्गाने तुम्हाला मातीच शरीर दिललं तितकंच काय ते आपलं असत. त्यामुळे एकटेपणातून नैराश्य येते हा समज मुळात चुकीचा आहे.मध्यंतरी स्त्री-पुरुष संबंध या विषयाचा अभ्यास करत असताना मलिका अमर शेख त्यांचा एक लेख माझ्या वाचण्यात आलेला. त्यात त्या म्हणतात,'मानवी एकाकीपणा हा हिंस्र, पाशवी, आणि अजस्त्र असतो. पण तो तितकाच सुखद, हळुवार आणि तलम असतो. एकाकीपणा असह्य, अटल असला तरीही त्याइतकी सुरक्षितता दुसऱ्या कोणत्याच मानवी व्यक्तिमत्त्वात असत नाही.' आणि मला हे खूप गरजेचं वाटत की आपण एकाकीपणा पासून का पळ काढ...
अधिक वाचा