तो, ती आणि मैत्री..

'समाजाची होणारी प्रगती आणि समाज मनाची होणारी प्रगती.' या वाक्यात जरी किंचित फरक असला तरी त्या वाक्याचा आशय खूप वेगवेगळा आहे. आज जागतिक मैत्री दिन.! म्हणजे मैत्रीचा दिवस तसा विचार केल्यास मैत्रीचा असा कोणता दिवस असूच शकत नाही. कारण माणूस हा समाजशील प्राणी आहे (असं शाळेत शिकलो. कारण शाळेत शिकलेल्या बऱ्याच गोष्टी योग्य असल्या तरी समाजात वावरताना अयोग्यच ठरतात).आणि समाजशील प्राणी हा फक्त आई-वडील, भाऊ,बहीण,आजी-आजोबा, काका-काकू, नवरा-बायको या कक्षेत मर्यादित राहत नाही. माणसाला जन्मतःच काही रक्ताचे नाते मिळतात तर काही नाते आपल्याला बनवावे लागतात. अशा नात्यांना मैत्री म्हणतो.
तर आज friendship day चे सकाळ पासून खूप मेसेज आले. Social side's वर सकाळ पासून मित्र-मैत्रिणींचे फोटो टाकून शुभेच्या देण्याची नवी प्रथा सुरू झालीय.छान वाटलं की आपला समाज मुलगा आणि मुलगी यांच्या मैत्रीला निखळ मैत्री पर्यंत घेऊन आलाय.
नाहीतर १९८९ मध्ये एक सिनेमा आला. सिनेमा इतका काही लोकांच्या मनात घर करून गेला की.समाजाला त्या सिनेमातील जादुई संवादातून बाहेर पडायला २५ वर्षाचा अवधी लागला.डायलॉग होता 'एक लडका और एक लडकी कभी दोस्त नहीं हो सकते.' म्हणजे बघा मुलगा आणि मुलगी यांची मैत्री कधीच असू शकत नाही का? स्त्री आणि पुरुष हे निसर्गाने निर्माण केलेले दोन घटक आहे ज्याच्या एकत्र येण्याने नवीन जीव जन्माला येतो. अरे हो.! पण काय प्रत्येक वेळी हेच कारण असतं!मानसिक आधार ही तितकाच महत्वाचा असतो.मग काय फरक पडतो की हा आधार स्त्री ने पुरुषाला दिला की पुरुषाने स्त्री ला दिला.
त्याच सिनेमातील दुसरं वाक्य (वाक्य काय! हे तर जणू ब्रीदवाक्यचं झालं आहे) 'दोस्ती में No Sorry, No Thankyou.!' माहीत नाही या सिनेमाने किती नाते खराब केले असतील. माहीती असत माझ एक सॉरी म्हणण्याने आपली मैत्री टिकेल.(पण सॉरी का म्हणायचं? कारण सलमान बाबा ने सांगितलं आहे,'Sorry म्हणायचं पण नाही आणि thankyou पण म्हणायचं नाही') मला असं वाटत Sorry! Thankyou!असे शब्द मैत्रीत असायला हवेत. कारण आपण आपल्या जन्मापासून मृत्यू पर्यंत खूप मित्र कमावतो. आणि कुठलंही नात टिकवण्यासाठी आदर हा गरजेचा असतो. जर तुम्ही तुमच्या मित्राचा किंवा मैत्रिणीचा आदर केला तर नक्कीच ते नात दीर्घ काळापर्यंत टीकेल(अगदी सलमान च्या तारुण्यासारखं😂).
अरे हो.! अजून एक डायलॉग 'दोस्ती की हैं निभानी तो पडेगी.!' म्हणजे तुम्ही कोणावर उपकार करत आहात मैत्रीकरून! स्वतःवर की तुमच्या मित्र-मैत्रिणीवर.
अनुराग बासूचा बर्फी कुठेतरी या चौकटी मोडून मोकळा श्वास घेतांना दिसला. तिथे मैत्रीचे बंध दाखवण्यासाठी कुठल्याही डायलॉग चा आधार नव्हता. तिथे होती फक्त संवेदनशीलता.तुम्ही किती संवेदनशील आहेत याचे मोजमाप नव्हते. ते फक्त आपण ठरवायचं होतं. सिनेमाघरातून बाहेर जातांना काय घेऊन जायचं आणि काय सोडून जायचं.

-बुद्धभूषण जाधव

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

माझा आवडता प्राणी - वाघ

इमेज
           माझा आवडता प्राणी वाघ आहे. वाघाचे माहेरघर म्हणून भारताची ओळख आहे. आजही काही शेकड्यांनी वाघ आपल्याकडे शिल्लक आहे.जगातील एकूण वाघातील पन्नास टक्क्यांपेक्षाही अधिक वाघ आज फक्त भारतात उरले आहेत. वाघांची संख्या भारतात सर्वाधिक असली तरी भारतात देखील वाघ आज दुर्मिळ झाले असून त्यांची संख्या चिंताजनक आहे.वाघाला भारतीय संस्कृतीत आदरयुक्त भीतीचे स्थान आहे.लहान मुलांना जंगलाचा राजा म्हणून वाघाची ओळख करून देतात.वाघ हा भारताचा राष्ट्रीय प्राणी असून जनमानसात शौर्य, राजबिंडेपणा, सौंदर्याचे, राकटतेचे प्रतीक आहे.            वाघांचे निसर्गात सर्वात महत्त्वाचे काम म्हणजे प्राण्यांची संख्या नियंत्रणात ठेवणे. वाघ नसतील तर या प्राण्यांची संख्या अनियंत्रित प्रमाणात वाढेल व इतर निसर्गसंपदेवर या गोष्टीचा ताण पडेल व निसर्ग चक्र बिघडून जाईल वाघ जंगलात असणे हे जंगलाच्या स्वास्थाच्या दृष्टीने अत्यंत गरजेचे आहे.वाघ असलेल्या जंगलात साधे लाकूडतोड आणि जंगलावर अवलंबून लोक भीतीपोटी जात नाहीत व जंगल सुरक्षित राहते. वाघ नाहीसे झालेली जंगले साफ होण्...
अधिक वाचा

अर्थशून्य भासे मज हा कलह जीवनाचा..

इमेज
काल बातमी आली. सुशांतने आत्महत्या केली. त्याच्या आत्महत्येचं प्रमुख कारण नैराश्य आहे असं बोललं जातंय. त्यानंतर जिकडे तिकडे मानसोपचार तज्ञ दिसू लागले. जो तो व्यक्त व्हा.. व्यक्त व्हा.. म्हणत सुटला. पण खरचं हे व्यक्त होणं उपयोगाच असतं का? आणि असलं तरी ज्याच्याजवळ व्यक्त होतो तो तितका प्रगल्भ असेल का? कारण आपण बऱ्याचदा म्हणतो की लोकांना तुमच्या कमजोरी सांगू नका. ते गैरफायदा घेतील. मग का म्हणून व्यक्त व्हावं.? समाजात वावरताना जे नातेसंबंध असतात ना.! ते सगळे सगळे कृत्रिम आहेत. मानवनिर्मित आहेत. निसर्गाने तुम्हाला मातीच शरीर दिललं तितकंच काय ते आपलं असत. त्यामुळे एकटेपणातून नैराश्य येते हा समज मुळात चुकीचा आहे.मध्यंतरी स्त्री-पुरुष संबंध या विषयाचा अभ्यास करत असताना मलिका अमर शेख त्यांचा एक लेख माझ्या वाचण्यात आलेला. त्यात त्या म्हणतात,'मानवी एकाकीपणा हा हिंस्र, पाशवी, आणि अजस्त्र असतो. पण तो तितकाच सुखद, हळुवार आणि तलम असतो. एकाकीपणा असह्य, अटल असला तरीही त्याइतकी सुरक्षितता दुसऱ्या कोणत्याच मानवी व्यक्तिमत्त्वात असत नाही.' आणि मला हे खूप गरजेचं वाटत की आपण एकाकीपणा पासून का पळ काढ...
अधिक वाचा

उगीच वाऱ्याच्या उनाडपणाचा खेद कशाला?

इमेज
तुम्ही कधी प्रेम केलंय? मी पण काय विचारतोय! केलंच असणार. घाबरून जाऊ नका.! मी काही तपशीलवार विचारणार नाही. विचारण्याचा उद्देश फक्त इतकाच की मी जे सांगणार आहे त्याच्याशी एकरूप व्हायला. ती एक आठवण पुरेशी राहील. जेव्हा आपण नवीन नवीन प्रेमात घडत असतो(मी पडणे म्हणत नाही. कारण प्रेम तुमच्यातील तुम्ही शोधून देतो). तेव्हा खूप गोष्टी या पहिल्यांदा होत असतात.म्हणजे बघा.. बऱ्याच वेळेला आपण शरीराने एका ठिकाणी असतो.पण मन मात्र भटकून येतं. काही वेळेला हवेची एखादी थंड जुळून आली की शहारून येत जणू प्रियकर/प्रियसी चा स्पर्श झाला. आपण नेहमी भविष्याचा विचार करतो. स्वप्न बघतो कारण आपल्याला ते मृगजळ हवं हवंस असतं.त्यात प्रत्यक्ष अप्रत्यक्षपणे तिच्या अस्तित्वाच्या पाऊलखुणा उमटत असतात.  "तुला माहीत आहे का?तुझ्या देहाचा मनमोहक गंध माझ्या रोमारोमात भिनला आहे."तिच्या हाताच्या बोटांशी खेळत मी तिला म्हंटलं. ती स्मितहास्य देत म्हणाली,"तू लेखक आहेसं.मला माहीत आहे पण कसं असतं ना.!रायटर साब.या गोष्टी पुस्तकात छान वाटतात." मी तिच्या चेहऱ्याजवळ चेहरा नेत तिला म्हंटल,"जसं आपल्याला एकमेक...
अधिक वाचा