मेरा वो सामान लौटा दो...

  आज जवळ जवळ ४ वर्षांनंतर ती मला दिसली. आज ही चेहऱ्यावर तोच निरागसभाव होता. तिला समोर बघून काय बोलावे कळत नव्हते. फक्त एक स्मितहास्य केलं. पण आज त्या हास्यात खूप अनोळखी भाव होते.तिलापाहुन हृदयाला आवरण अवघड झाले आणि मी पटकन बोलून गेलो. "Coffee घेणार!" तिने फक्त मानेनेच होकार दर्शवला. जवळच्या एका कॉफीशॉप मध्ये गेलो जिथे आम्ही नेहमी भेटायचो. तिथे गेलो तर वेटर आला आणि म्हणाला,"खूप दिवसानंतर आलात सर, कुठे shift केलं का?" मी तिच्याकडे पासून वेटर ला बोललो,"हो! आता खूप दूर shift केलंय .!" ती माझ्यापासून नजर चोरत होती. नंतर चे ५ मिनटं वेटर येउपर्यंत आमच्या टेबलवर इतकी भयाण शांतता होती की जणू आता ती शांतता आम्हाला गिळून टाकेल. शेवटी पुढाकार घेऊन मीच सुरुवात गेली-
"मग काय चालू आहे आता?"
ती - सगळं छान चालू आहे
मी(हसून) -खरंच, जरी आपल्यात आज काही नसलं तरी तुझ्या चेहर्यावरचे भाव मी आजही तितक्याच स्पष्टपणे वाचू शकतो.
ती(माझ्याकडे पाहून) - पण आज तुझ्या चेहर्यावर खूप समाधान आहे. किती लवकर move on केलंस तू.!
मी - लवकर? तुला माहित नसेल पण ४ वर्ष हा खूप मोठा काळ असतो.! जेव्हा कोणी तुम्हाला एकटं सोडून जात.
ती - हो पण ८ वर्षांच्या नात्यापेक्षा तर नक्कीच लहान आहे.!
मी - त्यावेळी मला सोडायचा निर्णय तुझा होता, कारण तुला एक secure आयुष्य हवं होतं जे मी तुला तेव्हा काय आज ही नाही देऊ शकतं!
ती - हाच तर प्रॉब्लेम आहे तू आज ही मला गृहीत धरतो.
मी - तुला आणि गृहीत! संबध काय आहे. तू मघापासून ते मंगळसूत्र ओढणीचे लपवत आहेस. आणि मी तुला गृहीत धरतो. (थोडं थांबून) कमाल आहे.!
ती - मी खूप खुश आहे माझ्या आयुष्यात.!
मी - नक्कीच.एका 5BHK फ्लॅटची मालकीण आहेस फिरायला एकटीला का होईना पण एक महागडी कार आहे. अजून काय पाहिजे जगायला.
     ती coffee एव्हाना थंडी झाली होती ती टेबलवरून फक्त आमचं बोलणं ऐकत होती.
ती - तू कधीच नाही समजून घेऊ शकणार मला.!
मी - तू समजून घेतलं होतंस मला? जेव्हा मी तुला सांगायला आलो की मी इंजिनिर ची नौकरी नाही करणार.
ती - i think मी आता निघायला पाहिजे. आणि sorry तुझा वेळ घेतल्याबद्दल.!
मी - U Should.!
   ती उठली आणि चालू लागली. कॅफे च्या दारापाशी जाऊन मागे वळून पाहिलं आणि तू अशक्य आहेस अशा अविर्भावाने मान हलवून निघून गेली..
   मी ती थंडी coffee पीत होतो आणि कॅफेमध्ये बॅकग्राऊंग ला song चालू होते -
       "मेरा कुछ सामान तुम्हारे पास पड़ा है
        सावन के कुछ भीगे-भीगे दिन रखे हैं
        और मेरे इक खत में लिपटी राख पड़ी है
        वो राख बुझा दो, मेरा वो सामान लौटा दो"
आणि मी ती coffee enjoy करतं होतो.

-बुद्धभूषण जाधव

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

माझा आवडता प्राणी - वाघ

इमेज
           माझा आवडता प्राणी वाघ आहे. वाघाचे माहेरघर म्हणून भारताची ओळख आहे. आजही काही शेकड्यांनी वाघ आपल्याकडे शिल्लक आहे.जगातील एकूण वाघातील पन्नास टक्क्यांपेक्षाही अधिक वाघ आज फक्त भारतात उरले आहेत. वाघांची संख्या भारतात सर्वाधिक असली तरी भारतात देखील वाघ आज दुर्मिळ झाले असून त्यांची संख्या चिंताजनक आहे.वाघाला भारतीय संस्कृतीत आदरयुक्त भीतीचे स्थान आहे.लहान मुलांना जंगलाचा राजा म्हणून वाघाची ओळख करून देतात.वाघ हा भारताचा राष्ट्रीय प्राणी असून जनमानसात शौर्य, राजबिंडेपणा, सौंदर्याचे, राकटतेचे प्रतीक आहे.            वाघांचे निसर्गात सर्वात महत्त्वाचे काम म्हणजे प्राण्यांची संख्या नियंत्रणात ठेवणे. वाघ नसतील तर या प्राण्यांची संख्या अनियंत्रित प्रमाणात वाढेल व इतर निसर्गसंपदेवर या गोष्टीचा ताण पडेल व निसर्ग चक्र बिघडून जाईल वाघ जंगलात असणे हे जंगलाच्या स्वास्थाच्या दृष्टीने अत्यंत गरजेचे आहे.वाघ असलेल्या जंगलात साधे लाकूडतोड आणि जंगलावर अवलंबून लोक भीतीपोटी जात नाहीत व जंगल सुरक्षित राहते. वाघ नाहीसे झालेली जंगले साफ होण्...
अधिक वाचा

मी नग्न पाहिलं तिला..

इमेज
तिला कधी नग्न पाहिलं का? काय म्हणालात?शरीराने? नाही.! नग्न शरीर पाहून फक्त वासना शमते. पण तिच्या विचारांची नग्नता पाहून माणूस तृप्त होतो.! कसं???? हम्मम...! तर.. विचारांची नग्नता.! तुम्ही कधी पाहिला एखादा माणूस(म्हणजे यात पुरुष आणि स्त्री दोघेही आले) नग्न अवस्थेत. पण तिला एकदा नक्की पाहिलं पाहिजे नग्न.! अगदी शरीराने, मनाने आणि विचाराने देखील.! तिला शरीराने नग्न पाहिलं की पुरुष तिच्यात रिता होतो. आणि विचाराने नग्न पाहिलं की तिच्यात सामावू लागतो. तिच्या विचारांचं नग्न असणं समाजाला कधीच मान्य नाही.            तिला तिच्या स्त्री असण्याचा कधी कमीपणा वाटू नये. ती चारचौघात मासिक पाळी,सेक्स, आकर्षण या विषयावर बोलायला ती लाजत नाही. रात्रीच्या त्या प्रामाणिक सहवासानंतर तिच्या स्त्रीत्वाला ती कधी चारभिंतीच्या आत त्याच्यापासून लपवत नाही. ही गोष्ट ती मान्य करते की शरीर सुख ही तिची गरज आहे अगदी त्यांच्यासारखी.              बऱ्याच वेळेला आपण माणसं नग्न या शब्दात गफलत करतो. माणसाच्या अंगावर कपडे नसणं म्हणजे नाग...
अधिक वाचा

अर्थशून्य भासे मज हा कलह जीवनाचा..

इमेज
काल बातमी आली. सुशांतने आत्महत्या केली. त्याच्या आत्महत्येचं प्रमुख कारण नैराश्य आहे असं बोललं जातंय. त्यानंतर जिकडे तिकडे मानसोपचार तज्ञ दिसू लागले. जो तो व्यक्त व्हा.. व्यक्त व्हा.. म्हणत सुटला. पण खरचं हे व्यक्त होणं उपयोगाच असतं का? आणि असलं तरी ज्याच्याजवळ व्यक्त होतो तो तितका प्रगल्भ असेल का? कारण आपण बऱ्याचदा म्हणतो की लोकांना तुमच्या कमजोरी सांगू नका. ते गैरफायदा घेतील. मग का म्हणून व्यक्त व्हावं.? समाजात वावरताना जे नातेसंबंध असतात ना.! ते सगळे सगळे कृत्रिम आहेत. मानवनिर्मित आहेत. निसर्गाने तुम्हाला मातीच शरीर दिललं तितकंच काय ते आपलं असत. त्यामुळे एकटेपणातून नैराश्य येते हा समज मुळात चुकीचा आहे.मध्यंतरी स्त्री-पुरुष संबंध या विषयाचा अभ्यास करत असताना मलिका अमर शेख त्यांचा एक लेख माझ्या वाचण्यात आलेला. त्यात त्या म्हणतात,'मानवी एकाकीपणा हा हिंस्र, पाशवी, आणि अजस्त्र असतो. पण तो तितकाच सुखद, हळुवार आणि तलम असतो. एकाकीपणा असह्य, अटल असला तरीही त्याइतकी सुरक्षितता दुसऱ्या कोणत्याच मानवी व्यक्तिमत्त्वात असत नाही.' आणि मला हे खूप गरजेचं वाटत की आपण एकाकीपणा पासून का पळ काढ...
अधिक वाचा